Gjykata e Prishtinës ka dënuar ish-ministrin e Infrastrukturës, Pal Lekaj, me tre vite e tetë muaj burg për shpërdorim detyre dhe dëm ndaj buxhetit të Kosovës. Lekaj, së bashku me tre të akuzuarit e tjerë, Eset Berisha, Nebih Shatri dhe Besim Tahir, u shpallën fajtor për shpërdorim detyre lidhur me rastin e autostradës “Arbën Xhaferi”. Tahiri, në postin e ish-drejtort të Prokurimit Publik, dhe Shatri si ish-sekretar i Përgjithshëm i kësaj ministrie, u dënuan me nga një vit e tetë muaj burgim, ndërsa Berisha, ish-këshilltar i lartë politik i Lekajt, u dënua me tre vite e tre muaj burgim. Gjykata dënoi për ish-ministrin e Infrastrukturës, Lekaj, duke i ndaluar për një periudhë prej tre vite e gjashtë muaj ushtrimin e funksionit në administratën publike. Në vitin 2018, Qeveria e Kosovës kishte ndarë 53 milionë euro shtesë për kompaninë që do merrej për punimet e autostradës Prishtinë - Hani i Elezit, për pagesën e faturave. Hetimet lidhur me ndarjen e 53 milionë eurove për konsorciumin e kompanisë kishin nisur pas debateve të nxitura dhe dyshimeve të ngritura nga partitë opozitare. autostrada Prishtinë-Shkup e quajtur "Arbën Xhaferi" ka një gjatësi prej 55 kilometrash dhe ndërtimi i saj i ka kushtuar buxhetit të Kosovës 600 milionë euro. AJo ishte inauguruar më 2019.