Sulmet masive ruse me raketa dhe dronë në Kiev kanë vrarë së paku dy persona, njoftoi kryebashkiaku Vitali Klitschko, në Telegram. “Kievi nuk është përballur me sulm kaq të fuqishëm që nga pranvera. Armiku ka kryer një sulm të kombinuar, duke përdorur dronë dhe raketa”, tha Serhi Popko, shef i administratës ushtarake të kryeqytetit. Për shpërthime u raportua edhe në qytetin jugor Odesa dhe në rajonin Çerkasi në Ukrainë. Sirenat e alarmit ajror janë bërë të zakonshme në ukrainë, por natën e shkuar, rreth orës 2 sipas orës lokale, ato gjëmuan në të gjithë vendin ndërkohë që ushtria përpiqej të saktësonte se ku do të godiste rusia. Në oreën 5 të mëngjesit shpërthime të fuqishme nisën të dëgjoheshin mbi kryeqytet ndërsa njerëzit i ishin drejtuar vendstrehimeve. Autoritetet e kievit thanë se më shumë se 20 dronë dhe raketa ishin shkatërruar mbi qytet gjatë natës.