Një shpërthim I madh është regjistruar në një depozitë ruse karburanti pasi ajo u godit nga një sulm I dyshuar ukrainas me dronë kamikazë. Sulmi ndodhi 270 km pas linjave ruse dhe ngriti tym të zi lart në qiell, afër urës së dashur për Vladimir Putinit, që lidh rusinë me krimenë e aneksuar në 2014-ën. Sulmi vjen vetëm pak ditë pasi forcat ukrainase besohet se goditën një depozitë nafte brenda në Krime. Ferri I flakëve në portin Taman, u përhap në një sipërfaqe prej afro 4 kilometrash katror dhe rreth 90 zjarrfikës u angazhuan në luftë me zjarrin. Një dëshmitar tha se sulmi kishte ndodhur në orën 2 të mëngjesit dhe se kishte dëgjuar një fërshëllimë në ajër e kishte parë një gjurmë droni në qiell. Sulmi ndodhi vetëm 9 kilometra larg nga ura Kerch, e ndërtuar nga Rusia dhe që lidh rajonin e Krasnodarit me Krimenë.