Ky është momenti kur një taksi përplas një 66-vjeçar që ishte duke kaluar në trotuar. Aksidenti rrugor ndodhi në zonën e Plazhit në Durrës, ndërsa mori plagë të shumta në trup këmbësori Fezi Dine. Ai u dërgua drejt spitalit për ndihmë mjekësore por nuk mundi të mbijetojë. Ndërkohë policia shoqëroi drejt komisariatit shoferin, 26-vjeçarin Aldi Talelli. Siç edhe shihet nga këto pamje, I riu e parkon taksinë pranë vijave të bardha por në një moment makina duket se del nga kontrolli dhe përfundon në trotuar. Në momentin e ngjarjes aty ishin duke kaluar dhe qytetarë të tjerë mes të cilëve dhe një vajzë e vogël, që fatmirësisht mundën të shmangnin goditjen nga makina. drejt vendit të ngjarjes shkoi nëj grup hetimor. Ndërkohë nga testi I alkoolit shoferi nuk rezultoi I dehur. Në dëshminë e dhënë paraprakisht, taksisti 26-vjeçar deklaroi se “i ka ikur mjeti”. Ndërkohë shkaku i saktë do të përcaktohet nga hetimet dhe ekspertiza.