Universiteti Mesdhetar i Shqipërisë organizoi një simpozium me rastin e 250-vjetorit të shpalljes së Pavarësisë së Shteteve të Bashkuara të Amerikës, me fokus rëndësinë historike të kësaj ngjarjeje dhe partneritetin strategjik mes Shqipërisë dhe SHBA-së. Aktiviteti u hap nga Presidenti i Universitetit Mesdhetar të Shqipërisë, Prof. Dr. Anastas Angjeli, me referatin “Rëndësia e shpalljes së Pavarësisë së SHBA-së”. Në fjalën e tij, Prof. Dr. Anastas Angjeli vlerësoi rolin e SHBA-së si aleati më i rëndësishëm strategjik i Shqipërisë, duke theksuar mbështetjen historike amerikane në momente kyçe për vendin tonë.