Lulzim Basha pasi mungoi në homazhet në përkujtim të vrasjes së dëshmorit të demokracisë Azem Hajdari, ka kujtuar këtë të fundit me një postim në rrjetet sociale. Teksa gjendet në vizitë zyrtare jashtë vendit, shprehet se Hajdari u bë simbol i përballjes me regjimin komunist. “25 vite më parë u vra pabesisht Azem Hajdari, lideri i Lëvizjes Studentore që me veprën e tij të pavdekshme u bë simboli i vullnetit të shqiptarëve në përballjen me regjimin komunist dhe ngadhnjimin e lirisë mbi diktaturën.”, shkruan Basha. Por pavarësisht kësaj dite përkujtimore, Lulzim Basha ka zgjedhur që në të njëjtim postim të thumbojë kundërshtarin e tij brenda të djathtës, ish-kryeministrin Berisha, të cilin e akuzon se ka përdorur PD-në për qëllime personale.