Në 25-vjetorin e Kushtetutës së Republikës së Shqipërisë, ligjvënës dhe gjyqtarë mbajtën një seancë solemne, ku i pranishëm ishte edhe presidenti Bajram Begaj. Në fjalën e tij, Begaj vuri theksin në rishikimin e kushtetutës dhe mbingarkesën e gjyqësorit Begaj: “Rishikimi i Kushtetutës për shkak të zhvillimeve e realiteteve të reja duhet vlerësuar me kujdes, maturi, e ekspertizë, duke mbajtur në vëmendje të ardhmen evropianë, parimet themelore e shtyllat kryesore të saj. Sistemi i drejtësisë po përballet me një sfidë të madhe, për shkak të numrit të madh që gjykatat kanë në shqyrtim. Duhet të mendojmë zgjidhje sa më të shpejta dhe efektive. Synimi ynë është që drejtësia të afrohet para qytetarëve me eficencë, barazi para ligjit, transparencë. Rezultatet e saj ndihmojnë në rritjen e cilësisë ligjvënëse dhe kontrollit kushtetues.” Kryetarja e Gjykatës Kushtetuese, Holta Zaçaj u ndal në kritikat ndaj sistemit të drejtësisë, duke e konsideruar ende sfidë politizimin e gjyqësorit.