Një gjykatë në Siberi dënoi një banor vendas me 25 vjet burg të hënën për një sërë krimesh, duke përfshirë tradhtinë dhe tentativën për zjarrvënie të një zyre rekrutimi ushtarak. Prokurorët në një gjykatë ushtarake në Novosibirskut, akuzuan Ilya Baburin, se u përpoq të digjte zyrën e regjistrimit me një koktej Molotov me urdhër të një personi të paidentifikuar nga Ukraina. Gjykata gjithashtu e shpalli atë fajtor për vënien e zjarrit në një shkollë muzikore lokale, cka e ka kategorizuar si një akt terrorizmi. Baburin, i identifikuar në mediat e pavarura ruse si specialist IT-je, është 24 vjeç. Avokati i tij, kishte deklaruar se nuk kishte prova për përfshirjen e Baburin në incidentet e përshkruara nga gjykata, në të cilat nuk u raportuan viktima. "Ai nuk vrau, nuk përdhunoi dhe nuk grabiti askënd. Edhe sipas aktakuzës, askush nuk u dëmtua nga veprimet e tij", tha avokati Vasily Dubkov.