Hakmarrja dyshohet të jetë shkaku i ekzekutimit të 40-vjeçarit, Aleksandër Koçeku, mbrëmjen e të shtunës në Dukagjin. Ai u qëllua me breshëri plumbash në afërsi të fshatit Lin teksa po lëvizte me makinë nga Kiri i Dukagjinit drejt Prekalit për në Shkodër. Nga hetimet rezulton se një breshëri prej 25 plumbash automatiku u qëlluan nga e njëjta armë e për pasojë mbeti viktimë 40-vjeçari I cili nuk mundi që t’I shpëtonte zjarrit. Vrasja u krye në një segment rrugor me lëvizje shumë të pakta automjetesh dhe pa kamera sigurie, një vend që, sipas rrethanave të deritanishme, duket se ishte zgjedhur me kujdes nga autorët për të minimizuar rrezikun e dështimit të atentatit. Errësira në zonë i ndihmoi ata që të humbisnin gjurmët me shpejtësi. Koçeku u gjet i pajetë brenda automjetit të tij nga një kalimtar i rastësishëm, i cili njoftoi policinë.