Detaje të reja kanë dalë në dritë për vrasjen e 24-vjeçares palestineze, Rayyan Alëan, duke I dhënë një drejtim të papritur, krimit të ndodhur më 27 shkurt në Trianë, brenda një banese të marrë me qira në rrugën “Gjon Muzaka”. Fillimisht u raportua se 24-vjeçarja e identifikuar si Rayyan Alëan, ishte vrarë nga bashkëshorti. Pas mbërritjes së dokumenteve nga Interpoli, konfirmohet se Rayyan Alëan dhe Fadi Alëan janë babë e bijë. Interpol është duke ndjekur gjurmët e 49-vjeçarit Fadi Alëan, i cili dyshohet se fshihet në Liban. Sakaq, ekspertiza për vdekjen e vajzës nga Palestina ende nuk ka përfunduar nga instituti i mjekësisë ligjore. 49-vjeçari, së bashku me viktimën është prezantuar si turist dhe të dy kanë thënë se janë partnerë. Për grupin e hetimit në Tiranë rezulton se të dy kishin hyrë me dokumente greke në territorin shqiptar përmes aeroportit të Rinasit. Po ashtu u zbulua që Fadi u largua katër ditë pasi erdhi me vajzën në Rinas. 24-vjeçarja u gjet e pajetë, nga pronarja e banesës së marrë me qira, e cila vërejti se nuk kishte asnjë lëvizje në objekt. Rayyan u gjet e masakruar me thikë dhe nga kamerat e sigurisë, policia ka zbuluar se babai I saj u largua në 22 shkurt, herët në mëngjes, për të udhëtuar fillimisht drejt Athinës e më pas drejt Amsterdamit, ku dhe ka zhdukur gjurmët.