Aleatët dhe partnerët e NATO-s kanë dërguar tashmë thuajse të gjitha mjetet ushtarake të premtuara në Ukrainë, tha sekretari i përgjithshëm i aleancës Jens Stoltenberg. “Më shumë se 98 për qind e mjeteve luftarake që i kemi premtuar Ukrainës janë dërguar tashmë. Kjo do të thotë se më shumë e 1550 mjete të blinduara, 230 tanke dhe pajisje të tjera, përfshirë sasi të mëdha municionesh, kanë mbërritur në vendin që po mbron veten përballë agresionit rus. Në një konferencë për shtyp për gazetarët, në selinë qendrore të NATO-s në Bruksel, Stoltenberg tha se në total, aleanca ka trajnuar dhe pajisur me armë më shumë se nëntë brigada të reja të blinduara ukrainase. Kjo sipas tij, do ta bendosë ukrainën në një pozicion të fortë në rast se do të nisin negociatat për të rimarrë territoret e pushtuara.