Ish-kryeministri Sali Berisha, vijon të jetë në masën e sigurisë ‘arrest shtëpie’ duke mos marrë pjesë kësisoj në seancat plenare apo punimet e Kuvendit. Në të tilla kushte mandati i tij i deputetit është në pikëpyetje. Por kur është afati i fundit për mbarimin e mandatit të deputetit, pasi rregullorja parashikon humbjen e mandatit nëse deputeti nuk paraqitet për 6 muaj radhazi në Kuvend. Seanca e fundit në të cilën ish-kryeministri mori pjesë ishte ajo para masës shtrënguese ndaj tij, më 21 dhjetor 2023. Nëse e nesërmja e kësaj date do të llogaritej si fillimi i mungesës së Berishës, data 21 qershor do të rezultonte edhe limiti për djegien e mandatit. Por krahas kësaj mundësie, ka edhe një tjetër interpretim. Përfaqësuesit ligjor të ish-kryeministrit, seancën e datës 17 janar, në të cilën nuk mori pjesë Berisha, si datë të fillimit të këtij afati 6 mujor, e për rrjedhojë, data 17 korrik përllogaritet si afati i fundit për Berishën, të cilit nuk i është dhënë leje nga gjykata të lërë arrestin e shtëpisë për të qenë në seancat plenare.