Kryeministri Edi Rama kërkoi nga SPAK që të zgjohet dhe të bëjë punën e vet në lidhje me hetimet e dosjes së 21 Janarit. rama - 21 janari është në llojin e atyre krimeve që unë i kam thënë qysh krye të herës: Janë krime shtetërore për të cilat drejtësia vonon, por asnjëherë nuk harron. Krimet shtetërore duan kohë të zbardhën, por koha nuk i zhbën dot nga kujtesa. dhe nga tryeza e njerëzve të drejtësisë. Uroj, shpresoj që SPAK-u, i cili prej gjashtë vjetësh ka marrë jetë dhe gëzon mbështetjen e padiskutueshme dhe ka pasur gjatë gjithë kohës inkurajimet më të sinqerta për të shkuar përpara, për të luftuar për të vendosur drejtësinë përfundimisht në binarët e rinj të barazisë para ligjit për të gjithë, - të zgjohet dhe të bëjë më në fund punën e vet mbi këtë krim, që është një njollë për drejtësinë shqiptare dhe nuk duhet lejuar që të bëhet njollë, sepse do të jetë e pashlyshme, për vetë SPAK. Kryeministri e bëri këtë deklaratë gjatë podkastin të së dielës, ku foli edhe për ftesën e Trump për pjesëmarrjen në Bordin e Paqes dhe punën e qeverisë dhe Kuvendit për miratimin e ligjeve të kërkuara nga BE në kuadër të procesit të anëtarësimit.