Bashkimi Evropian ka miratuar projekte të kërkuara nga Kosova dhe grante në vlerë të përgjithshme prej 206 milionë eurove, ka bërë me dije kryeministri në detyrë i Kosovës, Albin Kurti. Përmes një postimi në FaceBook, Kurti tha se BE njoftoi se Komiteti i IPA-s ka miratuar projektet e propozuara nga Kosova në kuadër të programeve IPA 2026 dhe IPA 2027, në vlerë prej 180.5 milionë euro, si dhe ka miratuar edhe tri grante nga Korniza Investuese për Ballkanin Perëndimor në vlerë totale prej 25.9 milionë euro. Megjithatë, për kalimin e këtyre fondeve në buxhetin e Kosovës, nevojitet miratimi i tyre nga Komisioni Evropian dhe më pas nënshkrimi dhe ratifikimi i marrëveshjes financiare nga Kuvendi i Kosovës, I cili pritet të konstituohet në ditët në vijim, pas certifikimit zyrtar të rezultateve të zgjedhjeve parlamentare të 7 qershorit.