Miliarderët amerikanë të fushës High-tech janë varfëruar në 2022 dhe në total, kanë parë tu dalë tymi 433 miliardë dollarëve. Uashington Post, u ka bërë së fundmi ‘hesapet’ të mëdhenjve të Silicon Valley-t, që për shumë kohë kanë pushtuar kreun e klasifikimeve të super të pasurve të globit. Dhe në letër, rezulton se vetëm Elon Musk, ka humbur 132 miliardë dollarë me rënien e aksioneve të Teslas. Pavarësisht kësaj, ai ende vlen 139 miliardë dollarë. Ndërsa Jeff Bezos, ka parë ti ikin nga duart 84.1 miliardë dollarë, me rënien me thuajse 50 për qind të vlerës së aksioneve të Amazon. Edhe pse më i varfër, Bezos vazhdon të vlejë më shumë se 100 miliardë dollarë, ose saktësisht 108 miliardë.