Të paktën 200 trupa amerikane janë plagosur në luftën e SHBA-së dhe Izraelit kundër Iranit, tha të hënën një zëdhënës i ushtrisë amerikane. "Që nga fillimi i Operacionit Tërbimi Epik, afërsisht 200 anëtarë të shërbimit amerikan janë plagosur," tha zëdhënësi i Komandës Qendrore të SHBA-së, Kapiten Tim Haëkins, për Guardian. "Shumica dërrmuese e këtyre lëndimeve kanë qenë të lehta," tha Haëkins, duke shtuar se 180 trupa janë rikthyer në detyrë që atëherë. Ai nuk dha detaje kur iu bënë pyetje në lidhje me llojet e lëndimeve që pësuan anëtarët e shërbimit ose shkaqet e tyre. ABC Neës raportoi më herët se lëndimet përfshinin djegie, plagë nga grimcat e mjeteve shpërthyese dhe lëndime traumatike të trurit, duke cituar një zyrtar amerikan të paidentifikuar. Nga 200 të plagosurit, të paktën 10 trupa ushtarake janë "plagosur rëndë", tha Haëkins më herët. Në anën tjetër 13 ushtarë janë vrarë në luftën e SHBA-së me Iranin. Gjashtë anëtarë të ekuipazhit humbën jetën javën e kaluar kur një avion ushtarak amerikan i furnizimit me karburant u rrëzua në Irakun perëndimor. Gjashtë ushtarë amerikanë u vranë kur një dron iranian goditi një qendër operacionesh në një port civil në Kuvajt dhe një ushtarak i shtatë amerikan vdiq pasi u plagos në një sulm në bazën ajrore Prince Sultan në Arabinë Saudite. Më shumë se 1,300 iranianë janë vrarë ndërkohë në luftime, tha ambasadori i vendit në OKB javën e kaluar, si dhe qindra civilë në Liban dhe 15 persona në Izrael. Donald Trump ka bërë deklarata kontradiktore mbi konfliktin deri më tani, duke u bërë thirrje më parë aleatëve perëndimorë të hyjnë në luftë dhe të mbrojnë ngushticën e Hormuzit mes frikës së një ndërprerjeje globale të naftës, ndërsa gjithashtu sugjeroi që SHBA-të nuk duhet të bëjnë përpjekje ushtarake për të mbrojtur ngushticën duke pasur parasysh se vendi ka "shumë naftë".