Një biznes privat që punonte në fushën e mobilerisë në Nikël të Krujës, është qëlluar me breshëri mesnatën e së premtes nga persona ende të paidentifikuar. Në biznesin në pronësi në shtetasit Myslym Karaj, ndaj të cilit u qëllua me breshëri, fatmirësisht nuk pati të lënduar. Kur punonjësit kanë shkuar në fabrikë, kanë parë shenjat e plumbave në xhamat e tyre. Menjëherë është njoftuar policia, e cila mbërriti në vendngjarje me ekspertët për të nisur hetimet. Nga dëshmitë e para rezulton se pronari i objektit ka deklaruar se nuk ka konflikte me askënd. Ndërkohë, gjatë dëshmisë së tij pronari i mobilierisë ka pohuar se nuk ka konflikte me askënd. “As unë, as familja e tij nuk i kemi borxh asnjë qindarkë njeriu. Nuk i kemi bërë keq askujt në jetën tonë”, mësohet të jetë shprehur pronari i biznesit.