India ka regjistruar më shumë se 20 milionë infektime me koronavirus por qeveria thotë se rastet po ngadalësohen. Vendi shtoi më shumë se 355 mijë raste në bilanc të martën, një shifër më e vogël kjo krahasuar me 400 mijë rastet ditore të regjistruara më 30 prill. Por, edhe shifra e testimeve ka rënë po ashtu duke ndezur frikën se bilanci real në indi është shumë më i lartë. Ndërkohë, mungesa e oksigjenit vazhdon dhe njerëzit në shumë spitale vazhdojnë të vuajnë për trajtim. Vala e dytë e pandemisë në indi, e ndihmuar nga mangësitë në sistemin e protokolleve të sigurisë, festivalet publike masive dhe tubimet elektorale, ka vënë në vështirësi spitalet. Vonesat në testim, diagnozë dhe trajtim, si edhe mungesa e shtretërve në repartet e kujdesit intensiv dhe ilaceve të domosdoshme, kanë cuar në një rritje të numrit të viktimave. Deri më tani vendi ka raportuar më shumë se 222 mijë viktima për shkak të vrusit, por ekspertët thonë se shifra e vërtetë është shumë herë më e lartë.