Detaje të reja janë mësuar nga operacioni i Agjencisë së Mbikqyrjes Policore dhe Prokurorisë së Posaçme ku në pranga u vu një ish-gardist me gradën komisar ndërsa në kërkim është shpallur bashkëpunetori i tij. Sipas hetimeve proaktive disa javore gardisti Zef Mali ( me masë arrest në burg nga GJKKO) dhe personi tjetër i shpallur në kerkimkanë premtuar se në kembim të 20 mije euro do të ndikonin tek zyrtarë dhe institucione publike për të përshpejtuar dhe mundësuar ekstradimin e një të denuari shqiptar nga një vend i BE. Ata dyshohen për vepren penale ushtrim i ndikimit të paligjshem ndaj personave që ushtrojnë funksione publike kryer ne bashkepunim. Pas kallezimit nga shtetasja që i ishte premtuar kundrejt 20 mijë eurove ekstradimi i të afermit të saj, janë zhvilluar hetime proaktive por rezulton deri në këtë faze se nuk është kryer ndonjë procedurë apo praktikë për personin e dënuar në fjalë.