E enjta është caktuar si dita kur Këshilli i Emërimeve në Drejtësi do të mblidhet për të shqyrtuar 3 kandidatët e tjerë për vendin vakant në Gjykatën Kushtetuese. Do të jenë kandidatët Aldona Sylaj, Ardita Buna (Alsula) dhe Shaqir Hasanaj, të cilët do të verifikohen nga KED. Më tej anëtarët e Këshillit të Emërimeve në Drejtësi do të vendosin nëse këta kandidatë do të lejohen të kandidojnë ose jo për vendin në “Kushtetuese”. Gjatë zhvillimet të mbledhjeve të KED-së është vendosur që të marrë pjesë vetem nga një përfaqësues nga secili institucion. Në rendin e ditës për të enjten janë përcaktuar dy pika. E para shqyrtimi i gjetjeve në procedurën e verifikimit për kandidatët për vendin vakant, vakancë e parakohshme në Gjykatën Kushtetuese që prej vitit 2018 Dhe pika e dytë marrja e vendimit, nëse do të lejohen apo jo të kandidojnë tre emrat e mësipërm. Në kuadër të masave shtesë të për të parandaluar përhapjen e COVID-19, të miratuara nga Komiteti Teknik i Ekspertëve në mbledhjen e datës 17 nëntor 2020, sipas të cilave ndalohen grumbullimet me më shumë se 10 persona në vende të hapura dhe të mbyllura, nga të ftuarit është kërkuar që për të siguruar respektimin e këtyre masave, gjatë zhvillimet të mbledhjeve të KED-së të marrë pjesë vetem një përfaqësues nga secili institucion.