Akoma më shumë të huaj po përgatiten të lënë rripin e gazës të enjten ndërsa qeveria e udhëhequr nga hamasi tha se të paktën 195 palestinezë humbën jetën në sulmet izraelite mbi një lagje në periferi të qytetit të gazës, sulme që izraeli tha se kishin vrarë komandantë të hamasit. Të paktën 320 qytetarë të huaj, nga një listë fillestare prej 500 personash, si edhe dhjetëra banorë të plagosur të gazas, hynë në egjipt të mërkurën pas arritjes së një marrëveshjeje mes izraelit, egjiptit dhe hamasit. Të gjithë ata që mbanin pasaporta australiane, austriake, bullgare, ceke, italiane, britanike, amerikane etj, u evakuuan. Zyrtarët në gaza thanë se kalimi kufitar i Rafahut do të rihapet të enjten në mënyrë që akoma më shumë të huaj të mund të largohen. Një burim diplomatik tha se rreth 7500 mbajtës pasaportash të huaja do të largohen nga gaza në dy javë. Duke ndezur ofensivën kundër militantëve të hamasit, Izraeli ka bombarduar Gazën nga toka, deti dhe ajri në një fushatë që ka si qëllim zhdukjen e grupit islamik të mbështetur nga irani. Ministria e shëndetësisë në Gaza tha se të paktën 8796 palestinezë, mes të cilëve 3648 fëmijë, janë vrarë në sulmet izraelite që nga 7 tetori.