6 viktima janë shënuar sërish në vendin tonë për shkak të Covid 19. Ministria e Shëndetësisë bëri me dije se viktimat janë një 61 vjecar nga Tirana, një 65 vjecar nga Elbasani, një 66 vjecare nga Fieri, një 68 vjecar dhe një 75 vjecar nga Vlora dhe një 80 vjeçar nga Berati. Në 24 orët e fundit janë regjistruar 780 raste të reja, nga 4 mijë e 22 testime të kryera. Tirana vijon të mbetet qarku më I rrezikuar, ku vetëm ne 24 orë janë regjistruar 268 raste. E ndjekur më pas nga Durrësi, Shkodra, Vlora dhe disa qarqe të tjera me radhë. Ministria e Shëndetësië bëri me dije se po në 24 orët e fundit janë shëruar 757 qytetarë, duke e çuar numrin e të shëruarve në 147 mijë e 584 që nga fillimi i epidemisë. Ndërkohë në spitalet Covid, 224 pacientë po marrin trajtim mjekësorë, 19 prej tyre janë në gjendje të rënduar. Aktualisjht në vendin tonë 12 mijë e 789 qyetarë janë të infektuar në të gjithë vendin.