Ditën e sotme Italia uli flamujt në gjysmështiz dhe mbajti një minutë heshtje në nder të viktimave të Koronavirusit. Përkujtimi i jeteve te humbura nga pandemia ne fqinjin tone përtej Adriatikut, u vendos të mbahet ditën e sotme me miratimin nga Senati. Kryeministri Italian Mario Draghi do të marrë pjesë në ceremoninë në Bergamo , qytetin më të prekur nga vala e parë e covid 19, por ceremonitë do të jenë të pranishme nga veriu në jug. 18 marsi është një ditë e paharruar në kujtesën e italianëve , pasi një një vit më parë një kolonë e automjeteve të ushtrisë u largua nga Bergamo me akrivolët e viktimave nga covid. Varrezat e qytetit ishin në kolaps dhe trupat duhej të tansportoheshin në fushat krematoriale të rajoneve përreth. Drita jeshile për Ditën e parë Kombëtare në kujtim të viktimave të Covid erdhi nga Komisioni i Çështjeve Kushtetuese të Senatit.