Mbi 10 persona janë shoqëruar deri më tani, për tu pyetur për vrasjen e Pjerin Xhuvanit në Elbasan. Autori i ngjarjes ish-efektivi Arbër Papleka është arrestuar dhe ndërkohë është shpallur në kërkim Klement Xhaferri. Ky i fundit është një emër i njohur për policinë e Elbasanit dhe të Tiranës, pasi ka qenë i hetua nga prokuroria për një përplasje të ndodhur në Elbasan në vitin 2017. Ndërkohë në vendin e ngjarjes janë gjetur 18 gëzhoja plumbash të kalibrit 9 mm dhe 11 mm. Dyshohet se të shtënat kanë ardhur nga dy pistoleta të ndryshme dhe se ngjarja është zhvilluar në pak sekonda. Në lidhje me ngjarjen e rëndë PD dhe PS kanë hedhur akuza të ndërsjellta teksa dyshohet se ngjarja ka motive politike. Të plagosur mbetën edhe 4 persona, një prej të cilëve dhëndri i viktimës, si dhe një efektive policie, Xhensila Sota.