Pas një hetimi tre mujor të kryer nga specialistët e Seksionit për Hetimin e Krimeve Ekonomike dhe Financiare, në bashkëpunim me Prokurorinë pranë Gjykatës së Rrethit Gjyqësor Tiranë, është finalizuar me sukses operacioni policor i koduar “Premtimi”. Në kuadër të këtij operacioni, është arrestuar një 41-vjeçar nga Kosova i dyshuar për mashtrim me premtimin e sigurimit të kontratave të punës në shtete të ndryshme. Sipas hetimeve, ai u ka marrë shuma që varionin nga 1 mijë deri në 1 mijë e 500 euro disa qytetarëve, duke u premtuar punësime jashtë vendit, por në fakt ka rezultuar mashtrim. Gjatë muajit prill 2025 janë dokumentuar tre raste konkrete të marrjes së parave me këtë metodë mashtrimi. Hetimet vijojnë për zbardhjen e rasteve të tjera të mundshme, si dhe për identifikimin e personave të tjerë të përfshirë apo bashkëpunëtorë të dyshuar të këtij shtetasi.