Arsenali i armëve bërthamore të Kinës ka kapërcyer shifrën 400 në një fraksion kohe që më herët nuk ishte imagjinuar nga SHBA – thotë një raport i fundit i Pentagonit, sipas të cilit, Pekini po fokusohet tek përshpejtimi i zgjerimit të tij bërthamor ndërsa tenton të sfidojë SHBA si superfuqia më e madhe në botë. Në 2020-ën, SHBA përllogariste se kina kishte më pak se 200 armë bërthamore dhe priste që arsenali të dyfishohej brenda një dekade. Por vetëm dy vite më vonë, kina duket se e ka arritur këtë objektiv dhe mund të ketë rreth 1500 mbushje bërthamore deri në 2035-ën nëse vazhdon me këto ritme. Raporti për fuqinë ushtarake të Kinës për vitin 2022, u publikua një ditë më parë dhe nënvizon zgjerimin e përshpejtuar të kapaciteteve bërthamore të Pekinit në vitet e shkuara. Vendi me popullatën më të madhe në botë po përdor ushtrinë e tij si një mjet për të krijuar një sistem ndërkombëtar që mbështet këndvështrimin e saj për botën duke përbërë edhe sfidën më të madhe për sigurinë kombëtare të shteteve të bashkuara – nënvizon raporti.