Një 14-vjeçare lindi të premten në maternitetin e Korçës. E mitura u paraqit në spital së bashku me bashkëjetuesin e saj një 21-vjeçar që u arrestua nga policia. Ai akuzohet për marrëdhënie seksuale me të mitur. Por për rastin ka reaguar dhe vetë 14-vjeçarja e cila kërkoi lirimin e të riut me argumentin se bashkëjeton me të prej një viti, dhe se janë kurorëzuar me dijeninë e prindërve të tyre. Kam një vit që njihem me bashkëshortin. Jemi njohur ne Elbasan. Ju thashë edhe prindërve të mi. Ata ranë dakord dhe kam një it me të. Unë kam një fëmijë le të përse ta arrestojnë. Ai s’më ka marrë me zor. Dua që të lirohet burri im, kush do më ushqejë mua po fëmijën tim?! Ajo tregon se pas arrestimit të 21-vjeçarit e ka të vështire jetesën pasi në shtëpi vetëm ai punon. “Dua të ma lironi që sot. Unë skam si të jetoj, unë vetëm atë kam, një krah pune kisha. Punonte ai që më sillte për të ngrënë më shtëpi. Punonte dy punë edhe ditën edhe natën për të më sjellë bukë në shtëpi. Dua të ma lirojnë. Më kanë ardhur mami me babin nga Miloti, unë skam dhënë asnjë deklaratë në polici por që dje jam njoftuar për burrin që e kam në polici.”