14 kandidatë për postin e Avokatit të Popullit kanë shpërfaqur para Komisionit të Ligjeve platformat e tyre nëpërmjet të cilave synojnë që të bindin ligjvënësit për tu besuar votat për këtë pozicion. 14 kandidatët në fjalë janë Alket Jaupi, Bledar Dervishaj, Besim Ndërgjoni, Drita Avduli, Dardan Mustafa, Erald Aga, Endri Papajorgji, Edison Frangu, Robert Gajda, Lefterie Luzi, Sokol Hazizaj, Tartar Bazaj, Ilir Rusmali e Vitore Tusha, kjo e fundit ka drejtuar për 15 vite Gjykatën Kushtetuese. Posti I mbetur vacant, që aktualisht mbahet nga Erinda Ballanca, u shndërrua në një betejë të forte mes opozitës e maxhorancës. Kjo e fundit nuk pranoi të bashkojë votat për kandidatin e nxjerrë nga opozita, Ledio Braho, duke sjellë dështimin e zgjedhjes së Avokatit të Popullit.