Armiol Rrasa, I cili u kap me tritol në makinë në kryeqytetin grek, rezulton I arrestuar 12 herë të tjera. 39-vjeçari nga Divjaka i njohur si “Ari”, i cili u prangos të premten në Athinë bashkë me partneren e tij teme1 pistoletë dhe 2 kallëpe tritoli, ka shkaktuar polemika në mediat greke për faktin se si ka mundësi që ai është arrestuar e liruar disa herë në kohë rekord. Grup hetimor dyshon se Rrasa mund të ketë lidhje me grupe kriminale gjobëvënësish në shtetin fqinj, të cilat janë përgjegjëse për shpërthime në biznese të ndryshme. Arma dhe eksplozivi atij i’u gjetën të fshehura në një vend të improvizuar në mjet, teksa udhëtonte me 33-vjecaren Daniel Luari me një fuoristradë “Wolsvagen”. Sipas skedës penale, kjo është hera e 13 që ai kapet. Akuza e fundit ka qenë në qershor të këtij viti për përdhunimin e një të miture. Akuzë që ka ngritur pikëpyetje për faktin se si është e mundur që ai ka shpëtuar pa qëndruar në qeli, dhe që më pas rezulton të jetë arrestuar po sërish për shkelje të rregullave të qarkullimit rrugor. Ndalimi I parë I Armiol Rrasës ka qenë në vitin 2003. Ai rezulton me precedentë penalë edhe në Shqipëri.