Ministri i Bujqësisë Andis Salla nga Pogradeci njoftoi se shumë shpejt do të jepen për sektorin e bujqësisë 13.8 milionë euro. Ai tha se veç grantit prej 10 mijë eurosh për të rinjtë, po kryhen procedurat që fermerët të marrin 10% të kompensimit të çdo fature që ata kanë shitur gjatë kësaj periudhe. sipas të dhënave ndaj tatimeve deri në këto momente, ne flasim në një shifër prej 13.8 milionë eurosh, që është një shifër e konsiderueshme në mbështetje të bujqësisë dhe sektorit bujqësor për t'i mbështetur për herë të parë për atë çfarë punojnë. Pra, ai që punon tokën vlerësohet drejtpërdrejt, pa procedura dhe pa asnjë burokraci mund të themi, apo afate të tejzgjatura. Po për çdo gjashtë muaj, siç ne e kemi vendosur në korrik dhe në dhjetor, do të depozitojnë pranë tatimeve dhe do të marrin 10%-shin në këmbim.