Vladimir Putin po pëson humbje të rënda në fushën e betejës ndërsa trupat e tij përparojnë në qytetin e dytë më të madh të Ukrainës, Kharkiv. Rreth 1,210 trupa ruse humbën jetën në 24 orë kur trupat ruse u derdhën nga përtej kufirit për të pushtuar qytezat strategjike rreth Harkivit. Qyteti në verilindje të Ukrainës është nën bombardime të vazhdueshme nga zjarri i artilerisë, raketat dhe sulmet me dron të rusisë. Por krerët ushtarakë ukrainas thonë se sulmi rus po vjen me një çmim të tmerrshëm. Përveç humbjes së trupave, në luftime të ashpra u shkatërruan edhe 16 tanke dhe 48 sisteme artilerie. Ukraina ndërkohë ka ndërmarrë një sulm me dronë në krimenë e aneksuar nga rusia, duke fundosur një minahedhës të Flotës ruse të Detit të Zi. Ajo gjithashtu shënjestroi një rafineri të madhe ruse të naftës në Tuapse me një dron kamikaze. Një numër i madh trupash ruse janë mbledhur në kufirin pranë Harkivit, por ekspertët thonë se Rusia nuk ka numrat e duhur për të pushtuar qytetin. Forcat mbrojtëse kanë vijuar ndërkohë të zbrapsin sulmet, pavarësisht se më të pakëta në numër dhe më të keq-armatosura. Gjeneralët thanë se trupat ruse po përparonin drejt Vovchanskut dhe qyteteve pranë Kharkiv.