Teksa Shqipëria feston 111 vite nga krijimi i shtetit të pavarur, nuk kanë munguar as urimet nga krerët politikë. Në këtë ditë të shënuar për shqiptarët, kryeministri Edi Rama ka bërë një urim në rrjete sociale, duke uruar përvjetorin e 111-të të Flamurit të Pavarësisë. Një urim ka ardhur dhe nga ministri i jashtëm Igli Hasani, i cili teksa uron 111 vjetorin e Pavarësisë, shkruan se vendi ynë është faktor stabiliteti e orientimi euroatlantik në rajon. Hasani shprehet se modeli ynë i bashkëjetesës, dialogut, mikpritjes e tolerancës, janë burim frymëzimi e krenarie për vendin, rajonin dhe botën. Ndërkohë kryeparlamentarja Lindita Nikolla teksa uron festën e pavarësisë, shkruan se Shqipëria është sot mes kombeve demokratike, anëtare e NATO-s, partnere e denjë e SHBA, që avancon me shpejtësi drejt familjes europiane në mbrojtje të paqes, lirisë, pavarësisë dhe integritetit të kombeve. Gjithashtu edhe kreu i Partisë Demokratike Lulzim Basha ka bërë një urim për shqiptarët në ditën e festës së flamurit.