Autoritetet meksikane kanë konfirmuar se të paktën 11 persona janë vrarë dhe 12 të tjerë janë plagosur në një sulm të armatosur që ndodhi të dielën në një fushë futbolli në qytetin Salamanca në Meksikën Qendrore. Sipas autoriteteve lokale, sulmi ndodhi në një lagje të qytetit, ndërsa forcat e sigurisë kanë nisur një operacion për identifikimin dhe arrestimin e autorëve. Zyra e kryetarit të bashkisë bëri të ditur se vdekja e 11 personave është konfirmuar, 10 prej të cilëve në vendngjarje dhe një tjetër ndërsa po merrte ndihmë mjekësore në spital. Në të njëjtën deklaratë u shtua se 12 persona u plagosën nga të shtënat me armë zjarri dhe po marrin ndihmë mjekësore. Ngjarja vjen në një kontekst të rëndë sigurie për Meksikën, ku autoritetet konfirmuan disa ditë më parë se katër çanta me mbetje njerëzore u gjetën të shtunën në mbrëmje në të njëjtin qytet. Edhe zona njihet si qendër industriale e rëndësishme e vendit dhe me disa destinacioneve të njohura turistike, ajo ndër vite regjistron numra të lartë të vdekurish si pasojë e përplasjeve me armë të bandave kriminale.