Kryedemokrati Sali Berisha e konsideroi raportin e ODIHR për zgjedhjet, si më damkosësin në 33 vite demokraci. Sipas tij, kryeministri dështoi të ndikojë në hartimin e këtij raporti, ndonëse thekson se ushtori presion ndaj tyre. Ishte ngjarje e një rëndësie shumë të madhe dështimi i plotë i përpjekjeve të jashtëzakonshme të Edi Ramës për të ndryshuar, për të mos thënë për të bllokuar, raportin mbi farsën elektorale të 11 majit. Është në dinjitetin e atyre vëzhguesve dhe drejtuesve të tyre që jo vetëm nuk ndryshuan asnjë pikë dhe asnjë presje nga raporti paraprak, por në një seri çështjesh renditen shumësi faktesh dhe të dhëna me të cilat i dhanë përgjigje përfundimtare Edi Ramës, që u thoshte ku keni fakte për të provuar këto që keni shkruar. Ish-kryeministri thekson se raporti tregon shkeljet e kryera nga maxhoranca në pushtet para e gjatë zgjedhjeve, përçka shton se asnjë raport tjetër nuk ka pasur përmasat e denoncimit të farsës si raporti i zgjedhjeve të 11 majit.