Rruga Librazhd-Prrenjas është hapur për qarkullim. Përmes një reagimi zyrtar, Autoriteti Rrugor Shqiptar njoftoi se rruga provizore do të jetë e kalueshme prej mesditës, për të gjitha llojet e automjeteve, përfshirë edhe ato të tonazhit të rëndë, por duke respektuar ngarkesën 8.2ton për aks. Qarkullimi do të kryhet përmes një devijimi provizor, të ndërtuar ngjitur me rrugën e vjetër, deri në ndërtimin e plotë të rrugës alternative, , në shtratin e lumit Shkumbin. Segmenti do të funksionojë me sinjalistikë kantieri dhe, përkohësisht, do të jetë i paasfaltuar. Rruga u bllokua 11 ditë më parë për shkak të shembjes së një masivi dheu. Autoritetet thonë se shembja është natyrore dhe nuk ka lidhje as me gërryerjen e shtratit të lumit Shkumbin dhe as me ndërtimin e aksit të ri të Korridorit 8.