Mund të duket e pabesueshme, por Presidenti Ilir Meta në 4 vitet e pushtetit të tij presidencial ka lënë pa dekretuar, ose e thënë ndryshe ka kthyer për rishqyrtim në Kuvend plot 106 ligje. Në disa raste edhe me argumente të gjata, e në shumë të tjera pa i bërë publike argumentet. Askush nuk është në gjendje të pohojë, nëse kjo ka qenë një sjelljhe shtetari, edhe pse shumë e konsiderojnë si një hakmarrje politike, pasi më shumë se 70 për qind e ligjeve janë kthyer në harkun e dy viteve të fundit, kur opozita nuk ka qenë në parlament dhe në vend të tyre ishin deputetë të listave. Edhe Komisioni hetimor parlamentar për shkarkimin e presidentit të republikës e vuri në dukje një fakt të tillë. Numri i lartë i dekreteve për kthim ligji për rishqyrtim në kuvend, është cilësuar nga firmëtarët socialistë, një shkelje kushtetuese, e cila ka ndikuar në shtyrjen në kohë të dekretimit të ministrave si dhe në mbarëvajtjen ekonomike të vendit.