Sejko: “Kjo është monedhë pa kurs ligjor, që në një anë ka foton e djalit fshatar dhe pjesa tjetër është Asdreni, në krahun tjetër shenja e 100 vjetorit të Bankës së Shqipërisë.” Në këtë përvjetor të rëndësishëm të Bankës së Shqipërisë, guvernatori Gent Sejko vlerësoi tre sfida ekonomike të vendit duke filluar nga rritja e tensioneve gjeopolitike, inovacioni i shpejtë financiar dhe vetë stadi i zhvillimit të Shqipërisë. Sejko: “Digjitalizimi i vazhdueshëm i sistemeve të pagesave, evoluimi i shpejtë dhe rritja e përdorimit të teknologjisë blockchain, të aseteve digjitale dhe të financës të decentralizuar, ka përfitimet dhe rreziqet e veta. Rreziqet potenciale burojnë si nga ndikimi negativ që ky inovacion ka në modelin e biznesit dhe bilancet e ndërmjetësve tradicionalë financiarë, ashtu edhe nga eksperienca e pakët e rregullatorëve, publikut të gjerë, por edhe e operatorëve të kësaj industrie.” Drejtoresha e Fondit Monetar Ndërkombëtar nënvizoi rëndësinë e pavarësisë së Bankave Qëndrore, teksa kryeministri Edi Rama e veçoi Bankën e Shqipërisë si e vetmja që përmbush standardet institucionale.