Rregullatori kibernetik në Kinë ka hapur një linjë pa pagesë, ku mund të raportohen online kritikat që i bëhen partisë komuniste dhe historisë së saj, me premtimin se do të godasë nihilistët historikë në prag të përvjetorit të 100-të të partisë që do të shënohet në korrik. Linja i lejon njerëzve të raportojnë përdorues të internetit që shtrembërojnë historinë e partisë, sulmojnë lidershipin dhe politikat e saj, shpifin kundër heronjve kombëtarë dhe mohojnë shkëlqimin e kulturës së avancuar socialiste online, thuhet në një njoftim të administratës kibernetike në Kinë. “Disa persona, me motive të shtrembërta kanë përhapur online keqinformime histoike që me dashakeqësi shtrembërojnë, denigrojnë dhe mohojnë historinë e partisë”, thuhej në njoftim. “Ne shpresojmë që shumica e përdoruesve në internet do të luajë një rol aktiv në mbikqyrjen e shoqërisë dhe do të raportojnë me entuziazëm informacionet e dëmshme”, vijonte deklarata. Nihilizëm historik, është një frazë që përdoret në kinë për të përshkruar dyshimet publike dhe skepticizmin mbi partinë komuniste kineze dhe të shkuarën e saj. Interneti në kinë është shumë i censuruar dhe pjesa më e madhe e rrjeteve sociale të huaja, motorëve të kërkimit dhe siteve të lajmeve janë të ndaluara në vend.