Autoritetet indiane bënë thirrje që familjarët të ndihmojnë në identifikimin e mbi 100 trupave që ende kanë mbetur në spitale, pasi 275 persona humbën jetën në përplasjen hekurudhore më vdekjeprurëse të vendit në më shumë se dy dekada. Incidenti vdekjeprurës hekurudhor i 2 qershorit, kur një tren pasagjerësh goditi një tren mallrash të palëvizshëm, doli nga shinat dhe goditi një tren tjetër pasagjerësh që lëvizte në drejtim të kundërt. Pas përpjekjeve të vazhdueshme për të shpëtuar të mbijetuarit dhe për të pastruar dhe riparuar dëmet, trenat rifilluan të qarkullojnë në këtë zonë në lindje të Indisë. Deri në mbrëmjen e të hënës, rreth 100 trupa nuk ishin identifikuar ende, tha një zyrtar i lartë i Departamentit të Shëndetësisë Shtetërore për ajgencinë e lajmeve, Reuters. Ai nënvizoi se autoritetet po përpiqen të siguronjnë kontejnerë me ngrirje për të ndihmuar në ruajtjen e trupave. Hetimet për incidentin tashmë kanë nisur dhe raportimet paraprake tregojnë se një problem në sinjalistikë ka çuar në përplasje. Përplasja e tre trenave në mbrëmjen e së premtes, është përshkruar si aksidenti më i rëndë me trena në Indi, këtë shekull. Më shumë se 1.000 persona janë plagosur dhe janë dërguar në spitale.