Irani ka dërguar fshehtazi sasi të mëdha plumbash, raketash dhe predhash në Rusi, për luftën e saj në Ukrainë dhe planifikon të dërgojë akoma më shumë – thotë një burim për Sky Neës.Burimet pretendojnë se dy anije mallrash me flamur rus u nisën nga një port iranian në janar, dhe lundruan drejt Rusisë përmes detit kaspik, të ngarkuara me rreth 100 milionë plumba dhe rreth 300 mijë predha. Municione për raketalëshuesit, mortajat dhe mitralozët po ashtu përfshiheshin në ngarkesë. Burimet thanë se bëhet fjalë për dy anije mallrash të quajtura Musa Jalil dhe Begey ndërkohë që moska duket se ka paguar me para kesh për municionet. Nuk është e mundur që të verifikohet në mënyrë të pavarur vëllimi i ndihmës të supozuar ushtarake por një ekspert vlerëson se sasia duket shumë e madhe. Sipas Sky Neës, dyshohet se irani po dërgon municione në rusi për të ndihmuar në rimbushjen e depove të saj të zbrazura të armatimeve. Rezervat e rusisë po ezaurohen pas më shumë se një viti luftë. Ndihma në municione i shtohet kështu akuzave të mëparshme se Teherani i ka dhënë moskës qindra dronë kamikazë që kanë luajtur rol në përpjekjet e Moskës për të shkatërruar infrastrukturën ukrainase të energjisë. Rusia vazhdon ta përdorë Iranin si një bazë rezervë – thonë burimet e sigurisë duke përshkruar më pas lidhjet e ngushta ushtarake mes dy vendeve. Zyrtarët perëndimorë dhe ukrainas kanë paralajmëruar se Irani mund ta furnizojë moskën edhe me raketa balistike shumë më vdekjeprurëse, por nuk ka ende shenja se kjo po ndodh. Ndërkohë përvec mbështetjes nga irani, po rritet shqetësimi në kryeqytetet perëndimore edhe për mundësinë që Kina të nisë të furnizojë rusinë me armë, një lëvizje që shtetet e bashkuara kanë paralajmëruar se do të kishte pasoja të rënda për kremlinin. Vetë kina deri më tani ka mohuar gjithcka.