SHBA do të mbajë 100 mijë trupa ushtarake të vendosura në evropë për të ardhmen e afërt në rast se Rusia përshkallëzon situatën dhe kërcënon Suedinë dhe Finlandën, apo ndonjë vend tjetër anëtar të NATO-s. Zyrtarë amerikanë thanë për CNN se numri i trupave mund të rritet nëse NATO kryen më shumë stërvitje ushtarake në rajon dhe SHBA mund të shtojë edhe baza të tjera në evropë nëse situata do të ndryshojë. Planet po vlerësohen pas takimit të shefave ushtarakë të NATO-s në Bruksel, të enjten – thanë zyrtarët. Shefat ushtarakë po bëjnë rekomandime për takimin e ministrave të mbrojtjes të natos të planifikuar për në qershor dhe liderët e NATO-s, përfshirë presidentin amerikan Joe Biden do të takohen në Madrid në fund të këtij muaji. SHBA ka shtuar praninë e forcave të saj në evropë nga rreth 60 mijë trupa që ishin para pushtimit rus të Ukrainës në rreth 100 mijë tani duke shtuar trupa dhe asete në vendet përgjatë kufijve lindorë të Evropës për të mbështetur naton dhe për të zbrapsur Rusinë.