Dy persona janë proceduar penalisht nga policia e Fierit, pasi janë kapur duke qarkulluar me shuma të mëdha parash, që dyshohet se janë përfituar nga veprimtari kriminale të kryera jashtë vendit. Në tota shërbimet e policisë kanë sekuestruar rreth 100 900 euro, 60 000 lekë dhe 2 automjete. Konkretisht gjatë kontrollit në automjetin që drejtonte shtetasi me iniciale A. L janë gjetur rreth 89 000 euro, pa dokument shoqërues për burimin e tyre. Ndërkohë në një automjet tjetër që drejthetj nga shtetasi me inicialet J. Xh., shërbimet e Policisë gjetën 11 500 euro dhe 60 000 lekë. Edhe këto shuma parash rezultjnë pa dokument shoqërues për burimin nga janë përfituar. Shumat e parave u sekuestruan në cilësinë e provës materiale, bashkë me 2 automjetet tip "Benz". Ky operacion është zhvilluar nga Specialistët e Sektorit për Hetimin e Krimeve Ekonomike dhe Financiare, në bashkëpunim me shërbimet e Forcës së Posaçme Operacionale, të DVP Fier. Vijon puna hetimore për përcaktimin e burimit të të ardhurave të këtyre shtetasve.