Autoritetet doganore greke kanë sekuestruar100 kilogramë kokainë të fshehur në një dërgesë me trëndafila nga Kolumbia në Aeroportin Ndërkombëtar të Athinës të mërkurën, njoftuan autoritetet. Operacioni nisi pas informacionit të dhënë nga zyra e Athinës e Administratës Amerikane Kundër Drogës dhe rezultoi në arrestimin e gjashtë personave, mes të cilëve 4 shtetas shqiptarë. Lënda narkotike ishte e fshehur në një ngarkesë me trëndafila të freskët që vinte nga Kolumbia. Katër persona u arrestuan në aeroport, ku dyshohet se po përgatiteshin të mblidhnin drogën. Dy të tjerë u arrestuan në zonën e Maratonës, në verilindje të Athinës, ku autoritetet deklaruan se do të ruhej kokaina. Sekuestrimi u krye nga oficerët e Autoritetit të Pavarur për të Ardhurat Publike të Greqisë, me ndihmën e Drejtorisë së Krimit të Organizuar të policisë. Autoritet po hetojnë edhe për anëtarë të tjerë të organizatës.