Që prej vitit 2022, kur parlamenti ashpërsoi Kodin Penal, Ukraina ka hetuar dhe dënuar gati 10 mijë qytetarë të saj me akuzat e bashkëpunimit me forcat pushtuese ruse. Veprat e bashkëpunimit variojnë nga mohimi i paligjshmërisë së pushtimit të Rusisë, ose mbështetja fizike apo online e trupave ruse deri tek luajtja e një roli politik ose ushtarak për fuqitë pushtuese. Dënimet për akuzat shkojnë deri në 15 vite burg. Ekspertët vlerësojnë se legjislacioni në fuqi lë hapësirë të madhe interpretimi dhe për më tepër është shumë i ashpër me ndëshkimet e njerëzve që kanë ofruar shërbimet jetike për qytetarët e tjerë ukrainas në zonat e pushtuara ruse. Sipas legjislacionit, janë dënuar për tradhti punonjës shtetërorë civilë, që nga elektricistë, infermierë, farmacistë e të tjerë që kanë ofruar shërbimet e tyre jo vetëm për qytetarët ukrainas në zonat e pushtuara, por edhe për ushtarët rusë.