Hong Kongu u godit nga rreth 10,000 rrufe natën mes të martës dhe të mërkurës. Qyteti kinez është mësuar me nivele të larta lagështie gjatë prillit, në fillim të sezonit të musoneve, me banorët që janë të përgatitur për rrebeshe të papritura. Duke filluar nga ora 21:00 e mbrëmjes së të martës, qielli i Hong Kongut u shndërrua në një lloj ekrani të shndritshëm, me observatorin e motit në qytet që regjistroi 5,914 rrufe brenda një ore të vetme, ndërkohë që shiu binte litar. Deri në orën 10:59 minuta të mëngjesit të së mërkurës, observatori kishte regjistruar 9,437 rrufe, me shumicën prej tyre në rajonin Lindor të Hong Kongut. Ishulli i Hong Kongut ishte pritësi i dytë më i madh në botë i rrufeve, me ndërtesat e larta të banimit që goditen nga shkarkime thuajse konstante.