1 milionë euro janë vënë në dispozicion si shpërblim për atë që do të vrasë Laert Haxhiun. Ky është lajmi kryesor në medien greke “Esspresonews”, teksa thuhet se ai që ka kërkuar një gjë të tillë është Aldo Bare. Me këtë pretndim Laert Haxhiu ka arritur të marrë transferimin nga burgu I Janinës. Lajmi në medien në fjalë është publikuar nga gazetari grek Vasilis Xito, I cili I ka kushtuar një hapësirë të veçantë rastit. Krahas shpërblimit për ‘kokën’ e Laert Haxhiut nga Aldo Bare, gjithashtu përmendet edhe rrëfimi i të penduarit të drejtësisë, Artan Tafani, i cili dëshmoi se i burgosuri i burgut të Korydallos ka organizuar katër vrasje në vendin e tij gjatë viteve 2021-2023. “Në Burgjet e Janinës ra kambana për 32-vjeçarin Laert, dhe më pas është transferuar në Koridhalos. Ai ka njoftuar zyrtarisht organet e drejtësisë greke se Aldo Bare po paguan gjithçka për ta vrarë, ndërsa nuk ngurron të përmendë se mes tyre ka një hakmarrje që pikon plumba, gjak dhe urrejtje të pashuar. Shqiptari ndodhet nën statusin e mbrojtjes, ndërsa ka fatura të hapura me organet greke, pasi emri i tij është i përfshirë në dy vrasje të bashkatdhetarëve të tij, të kryera në afërsi të sheshit Karaiskaki. Hetimi për këto “kontrata” është edhe arsyeja pse ai nuk është ekstraduar në Shqipëri, ndonëse është arrestuar që në majin e kaluar, duke u ndjekur me “identitet grek” në Janinë. Mafiozi Aldo Bare ofron shumën e tepruar prej 1.000.000 eurosh për “kokën” e shqiptarit, pasi Laert Haxhiu në qytetin e tyre, Lushnje, në Shqipërinë qendrore, në vitin 2017 vrau dy nipat e tij në një kafene”, thuhet në artikull. Kujtojmë se Laert Haxhiu u arrestua në 22 maj të këtij viti në zonën e Eleuzës së Janinës, për të cilin ishte dhënë alarmi i kuq nga Interpoli.