Humbjet e rusisë në fushën e betejës kanë kaluar shifrën tronditëse prej një milionësh pas 40 muajsh lufte që Vladimir Putini priste ta fitonte brenda pak ditësh. Rezistenca e ashpër e Ukrainës ka siguruar që Rusia të paguajë një faturë të kripur për çdo centimetër tokë që ka marrë, dhe përparimet e saj mbeten jashtëzakonisht të ngadalta. Sipas Shtabit të Përgjithshëm të Ukrainës, një milion trupa ushtarake ruse janë vrarë ose plagosur që nga 24 shkurti 2022, me 628,000 prej tyre të regjistruara vetëm në gjashtë muajt e fundit. Dhe humbja e një milion trupave i ka siguruar Putinit vetëm 20 përqind të territorit të përgjithshëm të Ukrainës, kryesisht në zonat jugore dhe lindore, në atë që është një shkallë aspak e leverdisshme konvertimi. Pavarësisht humbjeve që kanë lënë tashmë shenjë në shoqërinë ruse, ekspertët thonë se Putini ka të ngjarë të mos preket nga numrat, sepse sakrifica masive është në thelb të planit të tij të betejës.