Presidenti amerikan Donald Trump hoqi dorë nga kërcënimi i tij për të pushtuar Grenlandën pas një përplasjeje të furishme me aleatët e NATO-s. Duke folur pas bisedimeve me shefin e NATO-s Mark Rutte, Trump tha se kishte rënë dakord për "kornizën e një marrëveshjeje të ardhshme" në lidhje me kontrollin e ishullit në Arktik, të cilin ai pretendon se është jetik për sigurinë amerikane. Trump po ashtu shtoi se po pezullonte planet për të vendosur tarifa për Britaninë dhe vendet e tjera që i rezistuan marrjes së Grenlandës nga ana e tij. Tregjet në SHBA shënuan rritje pas njoftimit të tij, pasi u mbështetën në deklaratën e tij të mëparshme se nuk do të përdorte forcë për të marrë "copën e madhe dhe të bukur të akullit". Ndërkohë, disa media shkruajnë se Trump po mendon t'u bëjë banorëve të Grenlandës një ofertë prej 1 milion dollarësh secili nëse votojnë për t'u bashkuar me SHBA-në. Nëse ai do të bënte pagesën e madhe për të gjithë 57,000 banorët e territorit strategjikisht të rëndësishëm, kostoja mund të arrinte në 57 miliardë dollarë. Ndërsa plani duket i cuditshëm, cmimi është vetëm një pjesë e vogël e rreth 800 miliardë dollarëve që SHBA shpenzon për mbrojtjen cdo vit. Kjo gjithashtu do të hiqte varësinë e Grenlandës nga Danimarka për grante dhe do të riformësonte ekonominë e ishullit. Ishulli do të duhej të binte dakord të mbante një referendum dhe ka të ngjarë të ketë nevojë për 60 përqind të votave në favor të bashkimit me Amerikën për të marrë paratë. Sidoqoftë, danimarka por edhe vetë greenlanda kanë përsëritur deri më tani se ishulli i pasur me minerale, të cilit gabimisht trump iu referua të paktën katër herë si Islandë në fjalimin e tij në davos, nuk është në shitje.