Frika se një vullkan mund të shpërthejë në ishujt Kanarie është e madhe pasi thuajse 1 mijë tërmete u regjistruan në vetëm pesë ditë. Seria e tërmeteve të vogla dhe aktiviteti intensiv sizmik në kreshtën vullkanike La Cumbre Vieja, në ishullin e pushimeve La Palma, i ka vendosur autoritetet në alarm për një shpërthim të mundshëm. Instituti kombëtar gjeografik i Spanjës, ka regjistruar 4222 dridhje La palma, që nga e shtuna e kaluar. Autoritetet lokale ndërkohë e kanë vendosur vendin në një alarm të verdhë për një shpërthim të mundshëm vullkanik. Ato thanë se situata mund të ndryshojë shpejt por sidoqoftë, zyrtarët pranojnë se nuk ka të dhëna për një shpërthim të shpejtë ndërsa një komitet shkencor po monitoron aktivitetin. Paralajmërimet për vullkane lëshohen në pajtim me nivelin e rrezikut, dhe rriten nga e gjelbra deri në të kuq. Para se një vullkan të shpërthejë, ka një rritje graduale të aktivitetit sizmik që mund të zgjasë për një periudhë të caktuar kohe. Shpërthimi i fundit në Cumbre Vieja, një vullkan i fjetur në La Palma, është regjistruar në vitin 1971.