Doganierët bullgarë kanë arritur të gjejnë kokainë dhe ar me vlerë mbi 1.4 milion euro, në pikën kufitare “Kapitan Andreevo” mes Bullgarisë e Turqisë, falë paisjeve me rreze X si edhe qenve të trajnuar. Përveç shoferit të kamionit, sipas autoriteve bullgare janë arrestuar edhe dy persona të tjerë, ndaj të cilëve janë ngritur akuza për bashkëpunim në trafik droge. Sipas Doganës së Bullgarisë, kamioni gjysëmrimorkio ishte I regjistruar në Turqi dhe se drejtohej gjithashtu nga një shtetas turk. Ky I fundit, kishte deklaruar se po transportonte lule nga Holanda nëpërmjet Bullgarisë në Turqi. Pas kontrollit me rreze X dhe qenëve antidrogë, doganierët gjetën në kabinën e shoferit 10 pako kokainë me peshë totale rreth 11.1 kg, ndërsa në gjepat e xhaketës së shoferit të kamionit, gjetën edhe 3 lingota ari me peshë totale mbi 5 kg. Kjo është hera e parë që doganierët kapin një rast ku transportohen njëkohësisht ar dhe drogë, ndërsa njoftojnë që hetimet po vijojnë. Source: Youtube @Bulgarian National Customs Agency